GALERÍA DE LA PELÍCULA

10/10/2011 - PROYECCIÓN DE "EL TERCER HOME" NEL CLUB LA NUEVA ESPAÑA DE XIXÓN

El llunes viniente, 10 d'ochobre, a les 20:00 hores, nel Club LA NUEVA ESPAÑA de Xixón, allugáu nel Salón del Centru San Eutiquio (xunto a la ilesia de San Pedro), va proyectase EL TERCER HOME. Antes del pase intervendrán Carlos Novoa, Antón Caamaño ya Illán Gonzali.

NOTA INFORMATIVA EN LA NUEVA ESPAÑA

Lunes 10 de octubre de 2011
Proyección de la película “El tercer home”.

La legendaria película que dirigió en el año 1949 Carol Reed (“El tercer hombre”, con Joseph Cotten y Orson Wells) es ahora doblada al asturiano. Illán Gonzali -de la empresa asturiana Gonzali Produciones- es el productor y director del doblaje donde aparecen las voces, entre otros, de Antón Caamaño, Carlos Novoa, Chus Parrado, Berto Álvarez Peña, Mar Buelga y Norberto Sánchez.
Intervienen previamente a la proyección: Carlos Novoa, Antón Caamaño e Illán Gonzali.

EL TERCER HOME (ficha técnica de la película)

El tercer home / The Third Man

EE.UU./Gran Bretaña. 1949. 104 min. B/N.
Productores: David O. Selznick, Alexander Korda y Carol Reed.

Director: Carol Reed.

Argumentu: Graham Greene.

Guión: Graham Greene, Carol Reed y Mabbie Poole, cola collaboración d'Orson WeIles.

Fotografía: Robert Krasner.

Música: Anton Karas.

Intérpretes: Orson Welles (Harry Lime), Joseph Cotten (Holly Martins), Alida Valli (Anna Schmidt), Trevor Howard (Mayor Calloway), Paul Hörbiger (El portero), Ernst Deutsch (Barón Kurtz), Erich Ponto (Dr. Winkel), Siegfried Breuer (Popescu), Bernard Lee (Sarxentu Paine), Wilfred Hyde-White (Crabbin), Geoffrey Keen (Policía inglés), Annie Rosar (La portera), Hedwig Bleibtreu (La vieya), Herbert Halbik (Hansel), Alexis Chesnakov (Brodsky).

Dobladores: Antón Caamaño  (Holly Martins), Mar Buelga (Anna Schmidt), Norberto Sánchez (Mayor Calloway), Jesús Parrado (Harry Lime), Eladio Sánchez (Doctor Winkel), Oscar Ybarra (Popescu), Fernando Marrot  (Crabbin), Alberto Álvarez Peña (Sarxentu Paine), Eduardo Zulaiba  (Barón Kurtz), Carlos Novoa  (Narrador) Raúl Coballes, IG González , Hugo García, Carlos Rodriguez, Jéssica de la Paz, Bras Rodrigo.

Director de doblaxe: Illán Gonzali.

Grabación de doblaxe: Estudiu Fase Cuatro.

EL TERCER HOME (trailer)

EL TERCER HOME / Entrevista a Carol Reed por Charles Thomas Samuels

Carol Reed

Entrevista espublizada n'Encountering Directors (ochobre de 1971)

C.T.S.: Afirmó usté que gran parte de la maestría d'El tercer home allúgase nos sos esteriores. Si d'usté dependiera, ¿rodaría siempres n'esteriores?

C.R.: Sí. Tuvi qu'enfrentame a una poderosa oposición pa viaxar a Viena con El tercer home. Naquella dómina, unu nun llevaba a los actores de viaxe. Pero ehí tenemos un exemplu d'hasta qué puntu esti negociu ta apoderáu pol dineru. Si tienes cinco selmanes pa rodar esteriores, sabes que tienes de consiguir rodar tolos tos planos nesi períodu. Teníemos una unidá diurna y una nocherniega. Los actores qu'utilizábemos de nueche nun trabayaben de día, y viceversa. Trabayábemos d'ocho de la tarde a cinco de la madrugada. A les cinco, díbemos pa la cama, llevantábemos a les diez, trabayábemos cola unidá de día hasta les cuatro y depués volvíemos chanos hasta los ocho. D'esa manera consiguíemos facer el doble de trabayu na mesma cantidá de tiempu. Resulta un pocu agobiante, pero ye meyor eso que nun consiguir tolo que quies y tener qu'iguar depués nel estudiu. [...]

C.T.S.: Anque delles de les sos películes son estraordinaries, escasamente fuxen de los métodos habituales... con una esceición. A usté gústen-y los finales desdichaos. ¿Tratase d'una rebelión consciente contra les fórmules comerciales?

 C.R.: Unu siempres tien que facer lo que-y presta, y confiar en que lo que-y presta sía, amás, comercial. Solía recibir numberoses crítiques polos finales murnios de les mios películes. En cierta dómina pensábase que toles hestories teníen de terminar con un besu por que la xente colara contenta, pero cunto que nun teníen esi efectu. Una película tien de terminar como tenga de terminar. Creo que nada nesta vida tien un final “correctu”. [...] Graham Greene quería que Joseph Cotten adelantrara a Valli con esi coche; asina, la película podría terminar cola pareya caminando pela carretera. Pero yo insistí en qu'ella pasara de llargu. 

C.T.S.: ¿De quién foi la idea de contratar a Orson Welles pal papel de Harry Llime?

C.R.: Foi mía. Una nueche taba cenando con Orson. Acababa de recibir la sinopsis de Graham Greene, y pensé que taba bien, polo que-y dixi a Orson qu'había nella un papel maraviyosu pa él. Quixo lleelo, pero díxi-y: “Escucha, el guión nun ta llistu tovía, pero toi seguro que te va gustar, y eso que nun apaeces hasta aprosimao la metá”. Y él repunxo: “Personalmente, preferiría apaecer al cabu de les dos terceres partes”. En pasando una selmana llegóme la revisión de Greene, y aceptéla. Daquella, David Selznick quería que rodara Tess of the D'Urbevilles, lo que nun me pruyía enforma. Tenía un guión qu'a los dos paecíanos abondo malu, polo que-y dixi que lo fixera revisar y que mentanto me dexara siguir con El tercer home, yá que se trataba de daqué que podíamos espachar con facilidá. Díxi-y que quería a Orson Welles y a Cotten, del que sabía que tenía un contratu con Selznick, al igual que Valli. “Cuenta con Cotten y con Valli”, dixo él, “pero non con Orson”. [...] Selznick quería de toes toes que Noël Coward fixera'l papel de Harry pero, ta claro, eso fuera un desastre. Siguíamos aldericando ensin llegar a nenguna conclusión. Cuando empecé a rodar la película, Selznick entá siguía pensando en Noël. Sicasí, a Alexander Korda, el productor, nun-y importaba, polo qu'a la fin consiguí a Orson. [...] 

VIENA, LA OTRA PROTAGONISTA DE 'EL TERCER HOME'

Nun hai alcuerdu unánime sobro'l personaxe que captura más atención del espectador n'El tercer home, si bien la mayoría coincide n'Orson Welles col so perllográu papel d'un cínicu Harry Lime. Otra xente defínese por Joseph Cotten o por Alida Valli. Háilos que se queden con Trevor Howard. Pero, de toes maneres, en dalgo coinciden tolos que ven la película, nel protagonismu de la ciudá de Viena. Parcialmente destruyida y apinada d'escumbriaes y edificios quebraos, la capital austríaca supunxo l'escenariu perfechu pal thriller de Carol Reed, con esi xeitu ente realista y al empar escuru. La Viena d'El tercer home aporta l'ambientación más afayaíza pa describir a la Europa de posguerra y a piques d'entrar na Guerra Frío.

Na dómina en que se plantega la fechura d'esti film dase un fechu bien relevante; la Segunda Guerra Mundial camudara la vida de munchos directores, productores y escritores, como fuera'l casu de Carol Reed, que trabayara na unidá de documentales del exércitu británicu, mentantu que'l novelista Graham Green fuera espía contratáu pol serviciu d'intelixencia del mesmu país. Taba claro que la fin de la contienda, en 1945, diba ser bona fonte de trames pa la lliteratura y el cine.

El proyectu d'esta película financiábenlu l'estadounidense David O. Selznick y l'húngaru Alexander Korda. El primeru quería rodar en Berlin pero según Reed yera meyor aprovechar la escenografía natural de la posguerra, y la capital del Reich taba nun estáu perllaceriosu. Entós Korda propunxo Viena, una ciudá que se facía de toes toes a los pidimientos de la hestoria a cuntar y que, per otra parte, coincidía col Berlín derrotáu nel aspectu de la cuatripartición alministrativa del territoriu. El tiempu certificó lo acertao d'esa decisión.

L'APAICIÓN DE HARRY LIME

Holly (Josep Cotten) llega a casa d'Anna (Alida Valli) y confiésa-y'l so amor, que nun ye correspondíu. Mentanto, un gatu fuxe d'Holly y ella diz-y que'l muxu namás quería a Harry. L'animal sal de la vivienda y na cai llega hasta un portal, onde s'encuende dalguién que solo asoma los zapatos. El gatu ponse a xugar coles buyetes.

Depués, Holly sal de casa d'Anna, enfiláu y tristayu, ve los pies y ponse a glayar pensando que son los d'un espía. Una vecina prende la lluz del so cuartu molesta pol ruiu, y allúmase la cara del misteriosu individuu que resulta ser un sorriente Harry (Orson Welles). Cuando Holly trata d'averase, ésti escapa.

La escena ye una aténtica obra d'arte, onde'l montaxe y la planificación empléguense maxistralmente, dando llugar a unos minutos de los más cellebraos na hestoria del cinema.

ORSON WELLES SACA LA LLINGUA

Un momento de la edición del doblaje de ‘El tercer home’.

El Antiguo Instituto de Gijón proyecta la versión doblada al asturiano de ‘El tercer hombre’

LA VOZ DE ASTURIAS. 03/02/2011  J. Cuevas Oviedo

El cine en asturiano busca su sitio, y lo hace con grandes clásicos del cine. Primero fue La noche de los muertos vivientes (George A. Romero, 1968) y ahora le toca a El tercer hombre (Carol Reed, 1949) tener una versión en asturiano. “Nun yéramos bien sensatos. Bebíamos enforma y nuna ocasión quiso quitame la novia”. Holly, el personaje que interpreta Joseph Cotten en la película, habla de Harry, el personaje a quien da vida Orson Welles. “Ya de neñu sabía valise de toa clase de falcatrúes”, prosigue el actor para recordar la astucia del misterioso protagonista.

El responsable de que tanto Cotten como Welles utilicen el asturiano para comunicarse es el gijonés Illán Gonzali, que a través de su productora, Gonzali Producciones, plantea el doblaje de películas como un avance importante en el proceso de normalización de la llingua. “En los doblajes de Terapia de Grupo te reías, pero se notan los acentos”, indicó. La idea era la de conseguir un asturiano neutro.

El trabajo no ha sido nada fácil, explicó ayer. “Hay mucho diálogo. Son dos horas en las que no paran de hablar y la traducción tenía que ser muy precisa”. También tenía que ser comprensible por igual para quienes hablen asturiano en Tineo o Llanes.

NIN JOSEPH COTTEN NIN CAROL REED, CARLOS NOVOA

Na versión estadounidense de "El tercer home" la voz introductoria de la película ye la de Joseph Cotten, mentantu que na inglesa ye'l propiu Carol Reed el que la fai. Nel doblaxe a la nuestra llingua ye Carlos Novoa'l narrador, amosando una nueva vía pa esi cachu de la obra. Novoa, que ye un perconocíu locutor asturianu, da-y un estilu propiu a eses frases del empiezu que valen p'allugar a los espectadores naquella Viena acabante surdir a la Guerra Mundial.

ANTÓN CAAMAÑO, LA VOZ DE JOSEPH COTTEN

Escena de "Los jinetes del alba"

Joseph Cotten, y en concretu'l so personaxe Holly Martins, fala n'asturianu. Podemos sentilo na versión n'asturianu de "El tercer home" na voz d'un de los meyores actores asturianos d'anguañu, Antón Caamaño, que llogró un doblaxe escelente del intérprete estadounidense.

Antón Caamaño ye xixonés, nacíu en 1966, actor de teatru y d'audiovisual, director d'escena, llocutor y cantante llíricu. Diplomáu nel ITAE del Principáu d'Asturies cunta amás con una importante formación en técniques d'espresión dramático y cantu. Tien una llarga trayectoria na interpretación n'obres teatrales,  como cantante y na dirección d'escena. Ye autor de K, una dramaturxa sobro la novela El proceso de Kafka, y de Política teatral pa países fósiles, un estudiu editáu pola revista "La Ratonera" en 2007. Nel audiovisual tien participao nos siguientes trabayos: Sueños Duros, curtiu de Pedro Infanzón; El ejecutivo, curtiu de Manuel Estudillo; Los jinetes del Alba, serie de TV empobinada por Vicente Aranda; Codicia y La última copa, curtios de Producciones Asgaya, El beso de la tierra, curtiu de Lucinda Torres, Raya, curtiu dirixíu por Bruno Mateos (2004), La tristeza de los sauces, dirixíu por Juan Fernández (20054) y Tres versiones, curtiu dirixíu por Pablo Quiroga (2007).

JOSEPH COTTEN / Holly Martins

Joseph Cotten interpretó en 'El tecer home' a un escritor de noveles policiaques, Holly Martins, que llega a Viena cuando esta ciudá atópase dixebrada en cuatro zones ocupaes polos alliaos de la Segunda Guerra Muncial. Holly llega reclamáu por un amigu de cuando neños, Harry Lime, que-y prometió un trabayu. Pero'l día de la so llegada a la capital austriaca coincide col entierru de Harry, al que pillara un coche. El xefe de la policía militar británica va insinua-y que'l so amigu andaba metíu nuna trama del mercáu negru. Dende esti puntu, entama a desarrollase la hestoria de la película, onde nada ye lo que paecía y les solombres xueguen un papel especial.

Per otra parte, el Joseph Cotten asturianu, na voz d'Antón Caamaño, garra una fuerza que da como resultáu un doblaxe de los meyores que se-y ficieren al actor estadounidense.

"EL TERCER HOME", SEGUNDU LLARGUMETRAXE DOBLÁU AL ASTURIANU

Asturies.com - Ochobre 14, 2010 por Xicu Ariza

Yá entamó’l trabayu pa doblar el segundu llargumetraxe n’asturianu. Como yá avanzara’l responsable de Gonzali Producciones, Illán Gonzali, nuna entrevista a ASTURIES.COM, “El tercer home” ye’l film escoyíu.

“El tercer home” ta dirixida por Carol Reed, escrita por Graham Greene y protagonizada por Joseph Cotten y Orson Welles. Nel so día recibió l’Óscar a la meyor fotografía en blanco y negro y munchos la consideren la meyor película británica de la historia.

Esti doblaxe, a diferencia de “La nueche de los muertos vivientes” va cuntar con actores profesionales. Una de les razones ye que, como dixo Illán Gonzali nel so día a ASTURIES.COM, “ye una película mui seria, con una voz determinada y unes característiques diferentes”.
Cinco doblaxes en total
El llabor de doblaxe de “El tercer hombre” yá entamó y habrá qu’esperar un tiempu pa ver los resultaos. Tamién hai que señalar qu’esta nun va ser la última película doblada n’asturianu, yá que Gonzali Producciones señaló que la so idea ye doblar, pel momentu, un total de cinco películes.