'EL TERCER HOME' PROYECTARÁSE NA SEMANA NEGRA'L 15 DE XUNETU

La proyección fadráse'l domingu 15 de xunetu, na Carpa A Quemarropa, a partir de les 21 hores, siendo l'últimu actu cultural programáu na edición presente de la Semana Negra.

'El Tercer home' ta protagonizáu por Joseph Cotten, Alida Valli, Trevor Howard, Orson Welles y Bernard Lee. Llogró, ente más otros, el Gran Premiu (Meyor Película) del Festival de Cannes en 1949, y en 1950 l'Oscar a Meyor Fotografía B/N y otres trés nominaciones. Los dobladores del filme al asturianu son Antón Caamaño, Mar Buelga, Norberto Sánchez, Jesús Parrado, Eladio Sánchez, Oscar Ybarra, Fernando Marrot, Alberto Álvarez Peña, Eduardo Zulaiba, Carlos Novoa, Raúl Coballes, I.G. González, Hugo García, Carlos Rodríguez, Jéssica de la Paz y Bras Rodrigo; siendo Illán Gonzali el director de doblaxe y productor executivu. 

ESTRENU DE 'EL TERCER HOME'

La versión de El tercer home doblada a la llingua asturiana va poder vese’l viniente 5 de febreru, sábadu, a partir de les 18:30 hores, nel salón d’actos del Centru de Cultura Antiguu Institutu de Xixón, allugáu na cai Jovellanos númberu 21.

Nel doblaxe asturianu participaron, ente más otros, Antón Caamaño  (Holly Martins), Mar Buelga (Anna Schmidt), Norberto Sánchez (Mayor Calloway), Jesús Parrado (Harry Lime), Eladio Sánchez (Doctor Winkel), Oscar Ybarra (Popescu), Fernando Marrot  (Señor Crabbin),  Alberto Álvarez Peña (Sarxentu Paine), Eduardo Zulaiba  (Barón Kurtz) y  Carlos Novoa  (Narrador).